జనవరి 8, 1916లో జన్మించిన షా. పాల్ పోతేన్ మద్రాస్ యూనివర్శటీ నుంచి 1935 లో డిగ్రీ పట్టా పొందారు. 1940లో మైసూర్ యూనివర్శిటీలో సివిల్ ఇంజినీరింగ్ పూర్తి చేశారు. ఇండియన్ ఇన్సిట్యూట్ ఆఫ్ టెక్నాలజీ రూర్కీలో ఎలక్ట్రికల్ ఇంజినీరింగ్ పూర్తి చేశారు. కెనడాలోని కొలంబియా ప్లాన్ 1965-66 ఆధ్వర్యంలో ఒక ప్రత్యేక కోర్స్ చేశారు.

ఒక పారిశ్రామికవేత్త, భారతీయ ఎరువుల పరిశ్రమకు మార్గదర్శకుడు షా. పాల్ పోతేన్. భారతదేశంలో మూడు భారీ స్థాయి ఎరువుల తయారీ యూనిట్లను స్థాపించి, నడిపించారు. షా. పోతేన్ తన కెరియర్ ను ఫెర్టిలైజర్ అండ్ కెమికల్స్ ట్రావెన్ కోర్ లిమిటెడ్(ఎఫ్ఎసిటి)లో సీనియర్ మేనేజర్ స్థాయిలో 1944లో ప్రారంభించారు. ఎఫ్ఏసిటి ఇంజినీరింగ్ అండ్ డిజైన్ ఆర్గనైజేషన్ (ఎఫ్ఇడివో)ను 1965లో ఏర్పాటు చేసి దానికి మేనేజింగ్ డైరెక్టర్ అయ్యారు. మూడేళ్ల తర్వాత ఇండియన్ ఫార్మర్స్ ఫెర్టిలైజర్ కార్పొరేటివ్ ( ఇఫ్కో)లో వ్యవస్థాపక మేనేజింగ్ డైరెక్టర్ అయ్యారు.

షా పాల్, ఇఫ్కో అభివృద్ధికి బలమైన పునాది వేశారు. సహకార వ్యవస్థకు సంబంధించి మూల విలువలు, సిద్ధాంతాలు రూపొందించారు. వాటి ప్రకారం రైతుల పురోగతే ఇక్కడ ప్రధాన అంశం అయింది. భారతదేశ వ్యవసాయ రంగం రూపురేఖలు మార్చేందుకు చేసిన కృషికిగాను, దేశంలో నాలుగో అత్యున్నత పౌర పురస్కారం పదశ్రీ ఆయనకు దక్కింది.