Careers at IFFCO, Job Openings Fertilizer Manufacturer Company

പൊതുവായ ഒരു ദൗത്യത്തിന് വേണ്ടിയുള്ള പരിശ്രമം

കര്‍ഷകരുടെ ക്ഷേമം ഉറപ്പാക്കുവാന്‍ വേണ്ടി സേവനം ചെയ്യുക എന്ന ലക്ഷ്യത്തോടെ രൂപം കൊണ്ട ഇഫ്കോ കുടുംബം കഴിഞ്ഞ അഞ്ചു ദശാബ്ദങ്ങളായി ഊര്‍ജ്ജം ലാഭിക്കുന്ന വളങ്ങള്‍ നിര്‍മ്മിക്കുക, സാങ്കേതികപരിജ്ഞാനം പകര്‍ന്നു കൊടുക്കുക, സുസ്ഥിരമായ പ്രവര്‍ത്തനങ്ങള്‍ നിലവില്‍ വരുത്തുക, സ്വയംപര്യാപ്തരാകാന്‍ കര്‍ഷകരെ സഹായിക്കുക എന്നിവയ്ക്കായി അക്ഷീണം പ്രവര്‍ത്തിച്ചു വരികയാണ്.

കര്‍ഷകക്ഷേമം ഉറപ്പാക്കുക എന്ന ലക്ഷ്യമാണ് ഇഫ്കോയിലെ ഓരോരുത്തരേയും മുന്നോട്ടുനയിക്കുന്നത്. ഞങ്ങളുടെ ആളുകളുടെ അടങ്ങാത്ത ആവേശവും രാഷ്ട്രത്തിനുവേണ്ടി സംഭാവന ചെയ്യണമെന്ന അവരുടെ നിശ്ചയദാര്‍ഢ്യവുമാണ് ഇഫ്കോയില്‍ അനവധി ഉജ്ജ്വലമായ കരിയറുകള്‍ക്ക് രൂപം കൊടുത്തത്.

ഇഫ്കോയിലെ ആളുകള്‍

28 പ്രാദേശിക ഓഫീസുകള്‍, പ്രൊഡക്ഷന്‍ യൂണിറ്റുകള്‍, ഹെഡ് ക്വാര്‍ട്ടേഴ്സ് എന്നിവിടങ്ങളിലായി ഇഫ്കോയ്ക്ക് 4500 പേരടങ്ങുന്ന ശക്തമായ ഒരു ടീം ഉണ്ട്.

34

ഓഫീസുകള്‍
പ്രൊഡക്ഷന്‍ യൂണിറ്റുകള്‍

4500

4500 ജീവനക്കാര്‍

നിങ്ങളുടെ പുരോഗതിയില്‍ അധിഷ്ഠിതമായ തൊഴില്‍ സംസ്കാരം

ജനകേന്ദ്രീകൃതമായ തൊഴില്‍ സംസ്കാരം നിലനില്‍ക്കുന്ന ഇഫ്കോയിലെ കരിയര്‍ ഓരോ വ്യക്തിക്കും പഠിക്കുവാനും വളരുവാനും പുരോഗതി പ്രാപിക്കുവാനും അനവധി അവസരങ്ങള്‍ നല്കുന്നു. അതോടൊപ്പം രാജ്യത്തെ കര്‍ഷകരെ ശാക്തീകരിക്കുക എന്ന പൊതുദൗത്യത്തിലേക്ക് സംഭാവന നല്‍കുവാനും അവര്‍ക്ക് അവസരം ലഭിക്കുന്നു. ഇഫ്കോയിലെ തൊഴില്‍സംസ്കാരത്തിന് രൂപം കൊടുക്കുന്ന ആറ് തത്വങ്ങള്‍ താഴെപ്പറയുന്നവയാണ്:

അന്തസ്സ്

സ്ഥാപനത്തിലെ വ്യക്തിപരമായ അല്ലെങ്കില്‍ സാമ്പത്തികമായ സ്ഥാനം എന്തുതന്നെയായാലും അന്തസ്സോടെ ജീവിക്കുവാനും പുരോഗതി നേടുവാനും ഉള്ള ഓരോ വ്യക്തിയുടെയും അവകാശത്തെ ഇഫ്കോ അംഗീകരിക്കുകയും ബഹുമാനിക്കുകയും ചെയ്യുന്നു.

കച്ചവടത്തിനപ്പുറം

ഓരോ വ്യക്തിയുടെയും സുരക്ഷ, ക്ഷേമം, പുരോഗതി എന്നിവ ഉറപ്പാക്കാന്‍ കടമയ്ക്കപ്പുറം ചെയ്യുക.

മികവ്

സ്വയം മെച്ചപ്പെടുത്തിക്കൊണ്ടിരിക്കുവാനുള്ള ഞങ്ങളുടെ ആവേശത്തില്‍ സ്ഥാപനത്തിലെ എല്ലാവരും പങ്കുചേരുന്നു. ഇഫ്കോയിലെ ഓരോ വ്യക്തിയെയും നയിക്കുന്നത് സ്വന്തമെന്ന ബോധവും മികവിനുവേണ്ടിയുള്ള പരിശ്രമവുമാണ്.