మెగ్నిషియం సల్ఫేట్

మెగ్నిషియం సల్ఫేట్ ఉపయోగించడం ఎలా

ఈ ఎరువుల్ని ఉపయోగించేటప్పుడు పంట విస్తీర్ణం, పంట దశ ను పరిగణలోకి తీసుకోవాలి. మెగ్నిషం సల్ఫేట్ ను విత్తుకునేటప్పుడు లేదా పంట ఎదిగిన తర్వాత నేల మీద నేరుగా చల్లుకోవచ్చు.

తేమ, బురద ఎక్కువగా ఉండే నేలల్లో పండించే పంటలకు ఎకరాకు 50 నుంచి 60 కిలోల వరకు వేసుకోవాలి. తేలికపాటి నేలలు అయితే 40 నుంచి 50 కిలోలు సరిపోతుంది.

ఈ ఎరువును ఆకుల మీద పిచికారీ చేసుకునే పద్ధతిలో కూడా వాడుకోవచ్చు. ఈ పద్ధతిలో 5 గ్రాముల ఇఫ్కో మెగ్నిషియం సల్ఫేట్ ను 1 లీటర్ నీటిలో కలుపుకోవాలి. నీళ్లతో పాటుగా మొక్క ఈ పోషకాలను బాగా ఎక్కవగా గ్రహిస్తుంది. 10 నుంచి 15 రోజుల వ్యవధిలో దీనిని 2, 3 సార్లు పిచికారీ చేయాలి. సరైన నాజిల్ ఉపయోగించి ఉదయం లేదా సాయంత్రం పూట పిచికారీ చేయాలి. పంట, నేలను బట్టి తగిన స్ప్రే ఉపయోగించాలి. ఆకు మొత్తం ఎరువుతో తడిచేలా చూసుకోవాలి.